Lija e majmunit, ministrja Manastirliu: Ka nisur zbatimi i planit të masave

12:47 | 30 Maj 2022
A. B.

Ministrja e Shëndetësisë së Shqipërisë, Ogerta Manastirliu u shpreh sot se Shqipëria ka rrezik të ulët për përhapjen e virusit të lisë së majmunit.

Në një shkrim në ‘Facebook’, Manastirliu tha se ka nisur zbatimi i planit të masave të shëndetit publik për çdo situatë.

“Diskutuam këtë mëngjes me ekspertët e Komitetit Kombëtar të Vaksinimit në Institutin e Shëndetit Publik, për planin e masave për virusin e lisë së majmunit”, ka thënë Manastirliu.

“Vendi ynë ka risk të ulët për përhapjen e këtij virusi, megjithatë ka nisur zbatimi i planit të masave të shëndetit publik për çdo situatë.
Mirënjohje për profesorët e nderuar Eduart Kakariqi, Gjeorgjina Kuli, Genc Sulçebe, Najada Çomo, Aida Bushati, Silva Bino, Eugena Tomini për seriozitetin dhe punën e palodhur në përgjigje të çështjeve të shëndetit publik”, ka shtuar ministrja në Facebook. /arbresh.info/